Pulis nga gipusil sa COMPAC, gitiwasan sa gunmen sa ospital

14

Sultan Kudarat— Wala gyud makalingkawas sa baba sa kamatayon ang usa ka pulis human kining gipusil ug gitiwasan sa mga suspek sa Lambayong Sultan Kudarat alas 10:35 sa buntag kagahapong adlawa, Oktubre 11, 2018.

Giila ang biktima nga si PO2 Renato Mopac, nakabase sa Lambayong Municipal Police Station ug residente sa Purok Inanama, Barangay Poblacion, Lambayong.

Sa inisyal nga imbistigasyon sa Lambayong PNP nasuta nga una nang gipusil ang biktima samtang kini anaa sa iyang duty sa Community Police Action Center (COMPAC) nga nahimutang sa public market sa maong lungsod.

Gikaingong sakay sa puti nga pick -up ang mga suspetsadong mipusil sa nasangpit nga biktima. paspas nga misibat ang mga suspek samtang gidala gilayon sa ospital ang pulis nga napusilan sakay sa pedicab apan gisundan diay kini sa mga suspek ,

Ayha paman gibutang sa stretcher ang biktima subli kining giratratan sa mga suspek nga miresulta sa kamatayon niini.

Sa karon nagpadayon pa ang gihimong imbistigasyon sa kapulisan kalabutan sa insidenti.

Facebook Comments