Siyam ka mga pulis sa Western Visayas ang gindismiss sa serbisyo bangud sa kaso nila sini angut sa illegal drugs base sa data sang Police Regional Office 6 humalin sang 2016.
Suno kay PRO-6 Director General, Brig. Gen. Rene Pamuspusan nga ginahulat pa ang desisyon sa onse pa gid ka mga pulis sa rehiyon nga nagapangatubang man sang kaangay nga kaso.
Nahibaluan nga naga-gwa sa record sang PNP nga may 454 ka mga pulis nga na-dismiss sa bilog nga bahin sang Pilipinas bangud sa illegal drugs.
Nalakip sa mga pulis sa Region 6 nga nadismiss amo sanday: Staff Sgt. Charlie Lamis Blanza sang tuig 2016, sang 2017 nadismiss naman sanday Patrolman Angelo Canal, Henson Digon kag Cpl. Victor Jimenea.
Sang 2018 gin-dismiss naman sanday Patrolman Kenneth Escolta, John Paul Talaban, SSg. Jojie Salahid kag Patrolan Joelito Colantro Jr. kon diin tanan sila nag positibo sa drug test kag sini nga 2019 na dismiss sa serbisyo si Cpl. Pedrito Lupo nga nag-positibo man sa drug test.
[image: image.png]
