South Cotabato—Angol ang usa ka lalaki nga nailang si Felix Pradilla, igsuon sa usa ka barangay kagawad sa Purok Paraiso, Barangay Sinolon Tboli human napusilan sa nakulatahan niining pulis.
Sa imbestigasyon sa Tboli PNP nasuta nga mirespondi ang pulis nga si PO1 Ramises Agar, 50-anyos sa lugar human dunay report nga nakaabot sa ilang buhatan nga matud pa nanghasi atol sa kalingawan sa ilang pyesta ang usa ka Barangay Kagawad nga si Carlito Pradilla kansa hubog niadtong higayona.
Giuwang kini ni Agar apan giduol kini sa suspek nga si Felix dayon gikulata. Tungod wala nay mahimo ang pulis napugos kini nga pusilon ang suspek igo sa tyan nga bahin.
Gilayon kining gidala sa ospital samtang ang pulis apil nga gidala sa tambalanan aron matambalan ang mga samad nga naangkon niini sa iyang lawas human sa pagpangulata kaniya sa suspek.
Sa karon naghimo nag makuting imbistigasyon ang kapulisan kalabutan sa maong insidenti.
