Gipusil patay ang usa ka pulis nga sakop sa Marihatag Municipal Police Station sa wala maila nga mga armadong lalaki taliwala mismo sa Birthday Celebration sa iyang anak.
Lima ka igu pinusilan sa nagkadaiyang parti sa kalawasan ang naangkon sa biktima nga si P/SSgt. Emmanuel Lamigo, residenti sa Brgy. Poblacion, Marihatag Surigao del Sur.
Bandang alas 6:30 ang takna sa sayong gabie, nipauli ang biktima sa iyang balay gikan sa Marihatag Municipal Police Station aron motambong sa birthday celebration sa iyang anak dihang kalit kining gipusil sa makadaghang higayon sa suspek nga riding in tandem.
Bisan ug nakaangkon na ug samad pinusilan nakabunot pa sa iyang armas ang pulis aron mobalos sa mga mamumuno apan pakyas kini nga naka-igu sanglit gitiwasan pagpusil puntirya sa sintido.
Giila ni P/Col. James Goforth, provincial director sa Surigao del Sur Police Provincial Office (PPO) ang biktima nga desk officer sa Marihatag MPS apan dugay usab kini’ng nagserbisyo sa Intelligence Officer.
Gilantaw nga posibleng may kalabotan sa trabaho ang pagpusil sa biktima apan wala usab gisalikway nga binuhatan kini sa rebelding New Peoples’ Army (NPA).
(VC. Goforth 1)
Si P/Col. James Goforth, provincial director sa Surigao del Sur PPO sa interview sa RMN DXBC Butuan.
Daling nimando si P/BGen. Joselito Esquivel, Jr regional director sa PRO 13 sa pagmuntar ug hugot nga checkpoint aron madakpan ang mga mamumuno.
Gikondina usab sa PNP Caraga ang maong pagpatay uban sa paniguru nga mohatag ug tabang pinansyal sa gibiyaan nga pamilya.
[image: pnp marihatag.jpg]
