Ginpaidalom sa lockdown ang Purok Paghidaet, Brgy. Salvacion, Murcia kasunod sang pagkapatay sang isa ka lalaki nga nakitaan sang sintomas sang COVID-19.
Severe dengue ang gintunaan sang kamatayon sang 27-anyos nga driver kahapon nga adlaw, Domingo, kag gilayon ini nga ginlubong.
Sa interview kay Randy Gamboa, head sang COVID-19 Task Force sa banwa sang Murcia, ginapahayag sini nga gin-swab test man ang napatay kag sa masunod nga tatlo ka adlaw, ginalauman maguwa ang resulta sini.
Ginpahayag ni Gamboa nga kabahin lamang sang paghalong kag protocol ang gilayon nga paglubong sa biktima bisan nga indi pa kumpirmado nga positibo ini sa coronavirus disease bangud nakitaan ini sang sintomas kaangay sang ubo kag hilanat.
Subong nga adlaw, magapaguwa man sang Executive Order si Mayor Jerry Rojas angut sa pagpaidalom sang lockdown sa Purok Paghidaet.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
