R-T-M-I bus nga nadisgrasya sa Bukidnon, dili makabiyahe sulod sa usa ka bulan

Dili makabiyahe sulod sa usa ka bulan o 30 ka adlaw ang bus sa Rural Transit Mindanao In.c o R-T-M-I nga dunay plate number nga K-V-R 367.

Kini ang mando sa Land Transportation Franchising and Regulatory Board o L-T-F-R-B pinaagi ni Director Amenodin Guro.

Matud ni Guro nga kini tungod sa pagka-aksidente sa maong R-T-M-I bus sa Barangay Patpat, Malaybalay City, Bukidnon niadtong Huwebes.

Gipasabot ni Guro nga nagpagawas na siya og show cause order sa management sa R-T-M-I kagahapong adlawa.

Mahinumduman nga tulo ang namatay ug 28 ang samaran tungod sa among insedente.