NEGROS OCCIDENTAL – Nagapadayon karon ang Negros Occidental Provincial Veterinary Office sang ila massive vaccination of dogs campaign agud malab-ot ang ila target nga 70 percent sa kapin 170 mil ka mga ido sa probinsya antes ukon tubtob sa maabot nga bulan sang Hunyo.
Ini kasunod nga may kapin 14 na ka mga ido sa Negros Occidental ang nag-posivite sa rabies ko diin ang pinaka ulihi nga narecord amo ang isa ka ido sa Silay nga nagkagat sang 9 ka mga tawo sang nagligad nga semana.
Suno kay Provincial Veterinarian Dr. Renante Decena nga tuman ka importante nga ma-vaccinate ang mga ido bangud nga sang shortage sang anti-rabies vaccines para sa tawo.
Nahibaluan nga diri sa Negros, ang mga areas kon diin may confirmed nga mga mga ido nga may rabies amo ang Bacolod City kag Cauayan nga may 3 ka kaso, Bago City kag Kabankalan City 2, Ilog may isa, Candoni, 1 kag banwa sang EB Magalona nga may isa man ka kaso.
Sa pihak nga bahin, ginapaandaman man sa karon ni Decena ang publiko batuk sa pagkaon sang karne sang ido nga napamatud-an tuman ka delikado kag makamamatay.
Ini kasunod nga ang Negros Occidental ang ginakabig isa ka “rabies high risk area.”
Gin-issue ni Decena ang warning kasunod sang ginpost sa Facebook sang isa ka concerned citizen ang video kon diin nagapakita sang mga ido nga yara sa sulod sang hawla kag ginakarga sa tricycle.
Ginaalegar nga ang amo nga mga ido ang gina-ihaw sa Brgy. Gargato, banwa sang Hinigaran./dyHB BACOLOD
