Dagupan City, Pangasinan – Tuman ang kakulba sang isa ka 15-anyos nga dalagita matapos ini mabiktima sang pagpanglugos kag extortion sang isa ka public school teacher kag ang misis sini sa San Carlos.
Sa isa ka interview, wala mapunggan sang iloy sang biktima nga ginpangalanan nga ‘Ana’ ang iya emosyon.
Ini sang iya na nga ginsaysay ang iya nahibalu-an nga pagbaboy sa iya bata sang mag-asawa nga suspek nga una nga ginkilala ni NBI Dagupan Chief Rizaldy Jamaylin nga sanday Maria Louisa Brillantes nga naaresto na kag ang common law wife sang isa pa ka suspek nga si Florencio Bagaforo, 50, maestro sa Pangasinan State University (PSU) Bayambang.
Suno sa iloy, sadto indi pa luyag ni ‘Ana’ nga magtu-ad sang natabo pero sang nagsugod na sa pag-aku ang iya bata, ginsaysay sini nga bisan yara ang iya monthly period, ginatandog pa ini siya sang suspek kag pilit nga ginapakaon ang sensitibo nga bahin sang lawas sang lalaki.
Sa subong masami nga daw nagalutaw ang paminsaron ni ‘Ana’ Kada gab-i kag kun kaisa nagasinggit ini nga “wag po tama na po” bangud sa tuman nga pagbaboy nga ginhimo sang suspek.
“Mama may nambababoy sa akin, binubugaw pa nga nila ako mama, pero ‘di ako pumapayag,” pagsaysay pa sang biktima sa iya iloy. – RCSG/iFM News
Photo by Daily Mail / Not the exact photo
