Subli na usab karong gipahimangnoan sa Regulatory and Complaint Board ning syudad, ang mga ginikanan ug estudyante ilabina ang mga nanag-iya sa internet café.
Kini alang sa pagbalik sa klase sa Hunyo tres, busa ang mga estudyante mahimo lamang makasulod sa internet café gikan sa alas siete sa buntag ngadto na sa alas tres sa hapon.
Gipahayag ni Atty. Egay Uy, ang chairman sa RCB nga mahimo lamang makasulod ang mga estudyante sa internet café kung aduna silay himuong research ug adunay panugot gikan sa ilang mga magtutudlo.
Gipahimangnoan usab ni Atty. Egay ang mga internet café, nga seguruhong dili makasulod sa mga pornographic sites ang mga estudyante ilabina ang mga menor de edad.
Tungod niini, nagpadayon ang RCB sa pagsusi sa mga establisemento kung aduna bay permit ug RCB clearance, ang nasangpit nga mga internet café.
