General Santos City–Sikop sa gipahigayong buy-bust operation sa mga personahe sa PDEA-12 ang usa ka regular ug coterminous nga empliyado sa provincial engineers office sa probinsiya sa south cotabato alas 10:30 ang takna sa buntag sulod mismo sa compound sa Provincial Engineers Office.
Sumala pa ni Kath Abad ang tigpamaba sa PDEA 12 nga ang mga suspect mao silang Renante Anas, hamtong ug nanimuyo sa Surallah, South Cotabato nga usa matud pa ka regular nga empliyado sa gobyerno isip heavy equipment operator 1 ug usa ka Jonel Cabrera nga nanimuyo sa Brgy. Sta Cruz, Koronadal nga usa ka coterminous ug operator gihapon ug heavy equipment.
Mag atubang ug kasong pagsupak sa RA 9165, sec 5 ug 11 si Anas human nga napalitan kini ug iligal nga droga, samtang may nakuha pa nga iligal nga droga sa iyang posisyon.
Samtang sec 26 sa RA 9165 ang atubangon ni Cabrera kansa nakigsabwatan sa suspect nga mamaligya ug iligal nga droga.
Gibutyag usab ni Abad nga tungod kay sila mga empleyado sa goberno makunsederang mga high value target ang mga suspect kung asa sulod mismo sa Capitol Compound nila ginabuhat ang ilahang mga transaksyon.(Dave Silagan)
