Gihubo ni Councilor Zaldy Ocon ang iyang mao-ma-ong relo kay iyang gi-regalo sa usa magtiayong netibo nga gikasal kagahapong adlawa sa barangay Besigan ning syudad sa Cagayan de Oro.
Matud ni Ocon nga sa ilang pagpangampanya sa Besigan kagahapon wala siya magdahom nga ilang masugat ang usa lalaki ug babaying netibo nga gihi-usa sa ilang matam-is salag nga kaminyoon nga gihimo sa usa ka DATU.
Matud nga Ocon nga tungod ka walay iyang dala nga regalo, ang iya na lamang ma-o ma-ong relo ang iyang gihubo ug iyang giregalo sa maong magtiayon nga nagsalo sa katam-is sa ilang paghigugma-ay.
Atol sa gaanas ug salo-salo, gilingaw ni Ocon ang mga kinasal ug mga bisita sa iyang diskorso, dili sa politika apan subay sa unang milargo ni Jesu Kristo nga ang tubig iyang gihimong Bino.
Matud ni Ocon nga sa dihang si Kristo mitambong sa usa ka kasal iyang gihimo ang tubig og Bino ug iyang gipa-inom sa mga gikasal ug mga bisita.
Apan sukwahi ni Kristo, wala siya naghimog milargo sa Bisigan kagahapon apan iya na lamang gidalit ngadto sa mga gikasal ug mga bisita ang iyang dala nga mineral water, tambal sa ilang kauhaw nga resulta sa kainit sa panahon.
