MAY PAGKAKAIBA BA ANG DEED OF SALE SA DEED OF ABSOLUTE SALE? REQUIREMENT SA PAGPATITULO NG LUPA
Good morning po sa mga paradangog kan DWNX. Kan nakaaging aldaw po palan, May 22, iyo ang International Day for Biological Diversity. Ang Pilipinas signatory sa Convention on Biological Diversity, sarong international legal instrument para sa conservation kan inaapod na biological diversity, yan po si pagprotehir sa mga natural na istaran kan mga insekto, mga hayop sa kabukidan saka sa mga bodies of water arog kan mga salog, dagat. Pasadit na po baga ang mga areas na covered kan mga kakahoyan, and polluted na ang mga salog and dagat ta. Ata kinakamkam na kan China ang mga teritoryo kan Pilipinas para sa pansadiring interes ninda, pinapabayaan na man sana kan satong gobyerno, pati po ang mga LGUs, gusot n asana i-convert into commercial uses ang mga kadlagan ta, may mga city governments na gusto ilaag ang mga oficina ninda sa mga ecozones. Ang pagkaraot po kan biodiverse areas na ini, nagkakawsa ning pagtios satong gabos – nakulang na ang natural resources – kakanon, gulay, sira, prutas, tubig, tapos sige po kitang reklamo kan init kan panahon, kita man sana ang maysala ta kulang ang satong ezfuerzos sa pagprotehir kan kapalibotan.
Ngonian na aga, satong pag-olayan ang tungkol sa mga instrumento o dokumento sa pagpabakal ning mga daga. Kan mga nakaaging segments, ang tinokar ta iyo ang tungkol sa kung pano makaka acquire nin daga, ngonian naman, anong klaseng mga dokumento ang involved pag mabakal ka ning real property. May text sato:
“ano an pagkakaiba ng deed of sale sa deed of absolute sale? alin po pa ang mas mahalaga sa dalawa? alin po ba ang dapat ipagawa? Kung absolute sale po ba ang ipapagawa namin, makakapagawa na rin kami ng titulo? pakiforward po kay atty. angel ojastro. thanks po.”
Minsan huna ta simpleng bagay lang ining hinahapot kan texter. Pero kadakul nang mga kasong imbwelto ang validity kan mga deed of sale, may mga barakalang napawarang bisa dahil bakong tama ang porma kan barakalan, may mga kulang na elemento na dapat piglaag sa dokumento. Ano po igwang pagkakaiba an deed of sale saka an deed of absolute sale?
Generally, mayo man po, halos pareho lang ang boot sabihon kan mga titulong yan sa dokumento. Ang “Deed of Sale” or “Deed of Absolute Sale” sarong document na nagpapaheling kan legal na pagtransfer ning ownership sa real estate property – daga, saka mga nakatakod sa daga arog kan harong, building. Ang dokumento nagpapaheling na igwang duwang lado – ang buyer saka ang seller – pareho dapat of legal age, and mga Filipinos or former Filipinos na qualified magbakal or magpabakal. Ta normally, ang mga foreigners dai allowed kan ley magbakal real properties sa Pilipinas.
May mga sitwasyon na ang deed of sale bakong deed of absolute sale, kung ang sinasabi kan deed of sale igwang mga conditions pang kaipuhang gibohon kan arin man sa mga lado bago maitransfer ang ownership. Ang caption kan dokumento bako ang controlling sa pagdeterminar kan actual an agreement kan parties. Maski pa po title-an nindo ning deed of absolute sale ang dokumento, kung ang detalyadong provisions kaini igwang conditionality sa ownership, balewala ang title kan document. It is the body of the document that determines the nature of the agreement.
Igwa ngani pong sinasabi ang satong Civil Code, sa Article 1602, na puedeng hunaon na ang sarong agreement garo sale, pero ang tutuo palan, mortgage ang intensyon, inaapod sa ley na equitable mortgage. Sabi sa ley, the contract shall be presumed to be an equitable mortgage, in any of the following cases:
(1) kung ang price kan barakalan igwang derecho ang seller na bakalon nya giraray saka ang presyo unusually inadequate o sobra kababa kan presyo;
(2) pag ang nagpapabakal mapadagos sa pagtinir sa real property as lessee or maski bakong lessee basta igwang derecho to stay or possess;
(3) pag naglapse na ang period to right to repurchase tapos pig extender pa ang period of redemption o nagtao ang supposed buyer ning bagong period to repurchase; (4) pag ang nagbakal pigretain para sa sadiri nya ang part kan purchase price;
(5) pag ang nagpabakal iyo ang nagcommit na magbayad kan taxes para sa ipinabakal ng real property. Ang taxes na patungkol sa amelyar sa daga, or real property taxes.
(6) kung ang tunay na intention kan mga lado na ang transaction shall secure the payment of a debt or the performance of any other obligation.
Sabi po kan Supreme Court sa kasong Rockville Excel International Exim Corporation vs. Spouses Oligario Culla and Bernardita Miranda, G.R. No. 155716, October 2, 2009, maski pa deed of sale ang caption kan dokumento, pag ang intention kan parties na ang real property mag serve as security sa utang, iyan equitable mortgage, bakong barakalan, ang ownership remains sa supposed seller.
Pero kung tunay na transfer of ownership ang gusto kan mga lado, dapat malinaw yan sa dokumento. Don’t leave any doubt sa wording kan document. Mas maray na abogado ang magdraft kan agreement nindo. Ta kaipuhan po mapanotaryuhan yan kung gusto kan buyer na marehistro sa ngaran nya ang real property. Hahanapon man kan BIR ang notarized deed of sale para sa pagbayad nindo kan capital gains taxes, documentary stamp, transfer tax and registration fees.
Para masiguro kan texter bilang buyer na ang daga maipapatransfer sa ngaran nindo, na covered kan either Original Certificate of Title (OCT) or the Transfer Certificate of Title (TCT), magduman muna sa Register of Deeds, beripikaron ang title kan seller. Mag land research muna kamo, dai magrely lang sa sabi kan nagpapabakal. May mga proseso sa pagresearch sa daga. Kung ang binabakal mo daga, hanapon mo sa seller ang saiyang Transfer of Certificate of Title (TCT) bilang proof kan saiyang ownership. Kung ang babakalon mo condo unit, hanapon mo saiya ang Condominium Certificate of Title (CCT).
Para po makapatransfer ka kan title sa ngaran mo after kan barakalan, kaipuhan mo ang minasunod na documents:
1. Original kan owner’s copy o Certified true copy of the title na pigturnover saimo kan seller;
2. Notarized copies of the Deed of Sale
3. Latest tax declaration kan property
4. Certificate hali sa BIR na bayad na ang capital gains tax and documentary stamps, ang apod kayan sa BIR e-CAR
5. Mga original na resibo kan payment mo kan transfer tax saka registration fees.
Nasabi ta subago na kaipuhan notaryado ang deed of sale, taano po> ta sabi kan Art. 1358 kan Civil Code, ang sale of real property dapat nasa public document, ang public document bot sabihon notaryado.
Igwa pong mga legal forms ning deed of sale sa internet, puede kamo magdownload, i-customize nindo para captured ang detalye kan agreement nindo. Better na magpa assist sa abogado sa pagdraft.
Uliton ko po, sa pagdraft ning agreement, determinaron muna kung ano nanggad ang klase kan contract nindo.
1. Deed of Absolute Sale kung igwang full and adequate payment para sa price kan daga and igwang immediate transfer of ownership.
2. Puedeng Deed of Conditional Sale if ang bayad gigibohon on installments or kung igwang condition bago mai-transfer ang full ownership.
Ayan po. Kung may mga kahapotan pa kamo, itext o call po sa mga numbers kan DWNX.
Bago po ako magpaaram, pagirumdom po sa gabos, na ang Diyos mawot man na igwang tamang pormalidad sa mga barakalan kan daga para igwang evidence ang nagbakal na saiya na ini, para malikayan ang iriwal, magkaigwang katoninongan sa banwaan kan Diyos. Ang formalities na ini para man sa katuyuhan kan Diyos na maipaheling sato ang pagkompli Nya sa Saiyang promisa na kita dinara Nya sa Promised Land. Na Sya dai nagbabakli kan saiyang pangako, and sana kita man na mga aki Nya, dai man magbakli sa satong commitment sa pagtubod saiya. Dakul po sato ang lingaw sa Diyos sa panahon ning kasaganaan, nakakarumdom lang sa panahon ning kasakitan. Pigsaysay sa Bible kung pano ang honest na porma ning barakalan ning daga – ang seller dapat iyo ang maysadiri, mayong nagkiclaim na iba, may tamang presyo, may mga testigo man dapat, and kaipuhang sarayon ang dokumento para sa masunod na hererasyon. Sabi po sa Bible sa –
Jeremiah 32:8-14:
8 So Hanameel mine uncle’s son came to me in the court of the prison according to the word of the Lord, and said unto me, Buy my field, I pray thee, that is in Anathoth, which is in the country of Benjamin: for the right of inheritance is thine, and the redemption is thine; buy it for thyself. Then I knew that this was the word of the Lord. 9 And I bought the field of Hanameel my uncle’s son, that was in Anathoth, and weighed him the money, even seventeen shekels of silver. 10 And I subscribed the evidence, and sealed it, and took witnesses, and weighed him the money in the balances. 11 So I took the evidence of the purchase, both that which was sealed according to the law and custom, and that which was open: 12 And I gave the evidence of the purchase unto Baruch the son of Neriah, the son of Maaseiah, in the sight of Hanameel mine uncle’s son, and in the presence of the witnesses that subscribed the book of the purchase, before all the Jews that sat in the court of the prison. 13 And I charged Baruch before them, saying, 14 Thus saith the Lord of hosts, the God of Israel; Take these evidences, this evidence of the purchase, both which is sealed, and this evidence which is open; and put them in an earthen vessel, that they may continue many days.”
Ini po si Atty. Angel Ojastro III Aramon an saindong derecho, INI AN LEY!!!
