Gibati’g kahadlok ang mga residente sa Purok 7, brgy Lower Olave, Buenavista, Agusan del Norte human sila gihimong human shield sa mga teroristang CPP-NPA dihang misibat sa engkwentro tali sa tropa sa 23rd Infantry battalion niadtong March 9, 2019.
Didto narecover ang mga armas ug personal nga gamit ug dokumento nga gipanag-iyahan sa nasangpit nga mga terorista.
Nasayran nga sakop sila sa SDG CAOCAO, Guerilla Front 4A, North Central Mindanao Regional Committee ubos ni alyas “Bong” nga mihulga sa mga inosenteng sibilyan nga patyon kung mo-report nga naa ang ilang presensya.
Ang maong binuhatan nakalapas sa Comprehensive Agreement on Respect for Human Rights and International Law o CARHRIHL.
Tungod niini, gikondena ni Col. Maurito Licudine, acting commender sa 402nd Infantry Brigade ang lihok sa NPA sa paghimo sa mga sibilyan isip human shield aron lang sila makasibat.
Gitawag pa niining talawan ang NPA uban sa hangyo nga mobalik na sa sabakan sa balaod ug magbag-o na sa ilang kinabuhi.
