*Gikalipay sa Traffic Management Center kon TMC ning siyudad sa Malaybalay ang resulta ug response sa publiko sa dry run sa No Parking Policy sa Sayre Highway.*
*Sa interview sa RMN** Malaybalay** ngadto kang Amadeo Tabaquero Jr., ang hepe sa TMC Malaybalay gibutyag niini nga hapsay ang pagpatuman sa dry run bisan pa sa unang adlaw sa implementasyon hangtod karon.*
*Sigun niya nga nasabtan usab sa mga taga Malaybalay ang mao nga traffic scheme.*
*Hinoon, aminado si Tabaquero nga adunay mga multicab drivers nga gahi gayod ug dili mutuman sa otoridad.*
*Apan sa kinatibuk-an maayo usab ang response sa mga motorista ngadto sa mga TMC ug PNP personnel ug mga barangay tanod sa Poblacion Barangays.*
*Matud sa TMC Head nga sa iyang tan-aw angayan na gayod kining ipatuman tungod kay dako kaayo kini ug ikatabang sa pagsulbad sa kahagip-ot sa dagan sa trapiko sa siyudad sa Malaybalay.*
