TACLOBAN CITY – Ha gindudumara nga imbistigasyon han mga kapulisan ha nahinabo nga pagbuto ha usa nga panimalay ha Brgy. Bobolosan, Laoang, Northern Samar kun diin duha an namatay ha nahinabo nga insidente.
Nasabtan nga an narenta ha mao nga panimalay nga hi Dario Bolanda Ayes, 55 anyos, residente ha Purok 9 Poblacion, Lope De Vega, Northern Samar in nagtatag-iya hin “dynamite manufacturing” business.
Namatay hira Romeo “Ome” Inocentes ngan Norberto “Gaga” Solana nga mga gin-aaligar kasosyo ha negosyo ni Ayes.
Samaran gihapon ha nahinabo nga pagbuto dida han huwebes han hira Jun Jun Simbugan Donato,32 anyos, usa nga driver ngan Nilo Cuanico, usa nga parag-uma ngan residente ha PUROK 9 POBLACION, LOPE DE VEGA, NORTHERN SAMAR.
Ginpapanginano pa yana han Explosive Ordnance Division han Northern Samar Provincial Police Office kun kayano nanbuto ini nga badil.
