Valencia City, Bukidnon – Padayon ang pagmonitor sa Valencia City Police Station kon VPCS sa motorcycle riding in-tandem criminals.
Sa interview sa RMN ngadto kang PSupt. Al Abanales, ang hepe sa Valencia City PNP, gibutyag niini nga dungan kini sa ilang gipahugtan nga oplan sita.
Matud ni Abanales nga iyang gimanduan ang mga PNP personnel nga naghimo ug check point, mga motorcycle cops ug mga pulis nga naghimo ug pagpatrolya nga tutukan ang mao nga mga kriminal.
Gimanduan na matud pa niya kini nga sitahon gilayon ang mga riding in tandem nga kadudahan ang mga lihok.
Gawas niini apil sa ilang gitutukan karon ang kaso sa pagpangarnap ug pagpangawat sa dakbayan.
Wala matud pay puas ang ilang pagpahigayon ug oplan sita tungod kay kabahin na kini sa ilang programa ug dili mag-agad kung nagsangibot ang pasko o wala ug uban pang okasyon.
