Davao City – Gihukmang ‘guilty’ kagahapong adlawa (Enero 21, 2020) sa kasong large scale estafa si King Paul Bryan Auditor, ang gikonsiderang founder sa Rigen Marketing, usa ka investment scheme.
Gipakanaug ang desisyon ni Presiding Judge Susana Baua sa Regional Trial Court (RTC) Branch 2 sa Tagum City, Davao del Norte.
Tungod niini, mabilanggo ang akusado og napulo (10) katuig hangtud 14 ka tuig diin kinahanglan usab niining bayaran ang mga biktima sa investment scheme og muabot sa P8.4 milyon.
Gimando usab sa korte ang pag aresto sa igsoon ni Auditor nga si Kharl Dexter Auditor ug si Romen Samuel Wabina.
Samtang, lain-laing reaksyon ang gibati sa mga nabiktima human sa desisyon sa korte, diin daghan gihapon ang buot nga mauli ang ilang kwarta nga gi-invest.
Ang uban, buot nga dili na pagawson pa ang akusado aron nga dili na subling makapangilad ug makapang biktima.
RadyoMaN Kirby Manzon
