Sinisimulan na ang rigodon sa ilalim ng bagong liderato ni Speaker Lord Allan Velasco.
Ngayong hapon ay naihalal na Senior Deputy Speaker si Oriental Mindoro Rep. Doy Leachon kapalit ni Davao City Rep. Paolo Duterte.
Sa ikalawang pagkakataon ay inihalal muli na Deputy Speaker si 1PACMAN Partylist Rep. Michael Romero kung saan pinalitan nito si Camarines Sur Rep. LRay Villafuerte na kilala namang kaalyado ng dating Speaker at Taguig-Pateros Rep. Alan Peter Cayetano.
Mababatid na kagabi ay inihalal na Chairman ng Committee on Accounts si Cong. Duterte kapalit ni Cavite Rep. Abraham Tolentino.
Nailuklok din sa ikalawang pagkakataon si Quezon Rep. Angelina Tan na Chairman ulit ng Committee on Health kapalit ni Guimaras Rep. Ma. Lucille Nava.
Samantala, plano ding ibalik sa kanilang mga Committee Chairmanships sina AAMBIS-OWA Partylist Rep. Sharon Garin sa Economic Affairs Committee at Valenzuela Rep. Eric Martinez sa Committee on Youth and Sports Development.
