Gipahigayon sa Provincial Government of Bukidnon pinaagi sa Provincial Indigenous Affairs Division inabagan sa mga kawani ni Provincial Indigenous People Mandatory Representative Richard D. Macas ang ritwal nga Panalawahig ug Panulak.
Kini gipangunahan ni Bae Inatlawan kauban ang mga nagkalain laing mga Datu ug Bae sa 7 ka tribu sa Probinsya sa Bukidnon nga naglangkob sa Matigsalog, Tigwahanon, Bukidnon, Manobo, Higaonon, Talaandig ug Umayamnon.
Matud pa ni Datu Rufo Inanod nga tumong sa maong ritwal nga aron maprotektahan ang katawhan sa atong probinsya batok sa COVID 2019.
Sa maong ritwal, gihangyo usab ang mga espirito sa 4 ka suok sa Sidlakan, Habagatan, Kasadpan ug Amihanan sa Bukidnon nga babagan ang maong sakit nga makasulod sa probinsya lakip na ang mga sakit nga makadaut sa panglawas sa katawhan.
Lakip usab sa maong ritwal ang paghangyo sa magbabaya ug mga espirito nga ayuhon si Senator Juan Miguel F. Zubiri human kini nagdeklara nga natakbuyan sa COVID19, lakip na si Provincial Governor Jose Ma. R. Zubiri nga mipailalom sa self-quarantine uban sa mga mayores ug uban pang anaa sa Person Under Monitoring (PUM) ug Persons Under Investigatation (PUI) dinhi sa atong probinsya.
