HEADLINERS:
1.NPA ug Militar nag ka engkwentro sa Malapatan Sarangani Province. 2. City Councilor Nunez, uyon nga imbestigahan ang ill-gotten wealth ni Comelec Chairman Andres Bautista. 3.Karnaper ug motorsiklo, nadakpan sa kapulisan ning syudad. 4. Duha ka tawo sikop sa Buybust operation sa GenSan City Drug Enforcement Unit. 5.Opisyal sa Barangay Tambler, mi-angkon nga ana-a pa gihapoy namaligya ug druga sa ilang lugar. 6. Inahan ug duha ka anak patay sa sunog 7. Tricycle driver patay human gikulata ……………………………………………………………………………
*ISSUE:* PLANONG IMPEACHMENT BATOK COMELEC CHAIRMAN ANDRES BAUTISTA TUNGOD SA GITAGO NGA PROPEDAD.
*STP on the Lighter Side:* Unsay dapat i – bibo ang pasko o bag- ong tuig ? ……………………………………………………………………………..
Usa ka dakong eskandalo sa Commission on Elections COMELEC ang rebilasyon sa mismong asawa nga si Mrs. Patricia Bautista nga namakak sa iyang SALN kay may ill-gotten wealth o gitagong dakong bahandi si Comelec Chairman Andres Bautista gani gi- lantad ni Mrs.Bautista ang bank records o transaksiyon sa bangko sa iyang bana sa usa ka Press Conference. Sumala pa ni Patricia Bautista nga may kapin 1-billion na hidden wealth ang Comelec Chairman sama sa 329-million passbook account, US dollar account, Hongkong Dollar Account, Condominium units sa Bonifacio Global City ug San Francisco California sa Estados Unidos. Dunay account ni Chairman Bautista sa duha ka bangko apan 32-ka mga passbook, busa nagtu -o si Patricia na may corruption nga gihimo ang iyang bana labina nga sukwahi ang Statement of Assets Liabilities and Net worth SALN ni Comelec Chairman Andres Bautista, nia ang pahayag ni Mrs . Patricia Bautista atol sa press conference.
Dali nga gitubag ni Comelec Chairman Andres Bautista ang akusasyon sa iyang asawa kwarta ug Politika ang motibo sa gibulgar ni Mrs.Patricia Bautista, gi-angkon usab sa opisyal nga pipila na sila ka tuig nga nagkabulag sa iyang asawa gumikan kay nangabit daw kini, sumala pa ni Bautista nga mismong si Pangulong Duterte ang mihimo ug lakang aron maplastar ang away sa magti-ayon apan nagdumili daw si Mrs.Bautista nga makig areglo. Extortion na ang gihimo sa iyang asawa nga na ngayo ug dakong kantidad sa kwarta gani may mga propedad ug kwarta sa ilang joint account ang gibalhin sa iyang asawa sa pribado niining bank account,lakip pa ang iyang personal nga gamit gikawat pa sa iyang asawa segun ni Chairman Andres Bautista, andam daw niyang atubangon ang kaso ug pamatud-an nga bakak, peke ug gimani-ubra lamang ang mga gi-presentar nga ebedensiya sa iyang asawa nga nakahatag ug hugaw sa Comelec ug resulta sa election sa milabayng tuig nia ang pahayag ni Comelec Chairman Andres Bautista.
Gi-angkon ni Presidente Rodrigo Duterte nga miduol kaniya ang magti-ayong Bautista aron i-settle ang ilang panag-away, iya matud pang gitambagan ang duha nga sabut-sabutan ang komplikto. Apan gi-klaro sa Pangulo nga may i-file nga kaso batok ni Comelec Chairman Bautista ug bahala na ang Ombudsman o kaha ang kongreso nga mo desisyon niini kay wala na kini sa iyang jurisdiction nia ang pamahayag ni Presidente Duterte.
Gumikan sa eskandalo namahayag si DOJ Secretary Vitaliano Aguirre nga ilang imbestigahan ang gipadayag nga alegasyon ni Mrs.Bautista, gitahasan matud pa sa kalihim ang National Bureau of Investigation NBI nga susihon ang affidavit ni Mrs. Bautista ug makig coordinate sa Anti-Money Laundering Council aron masayran kon may nasupak ba nga probesyon sa Anti-Money Laundering Act si Comelec Chairman Andres Bautista. Ang ubos ug taas balay bala-uranan miduso ug resolution nga mag imbestiga sa gi- bulgar ni Mrs.Bautista, namahayag si House deputy Minority Leader Harry Roque nga kinahanglang ma-imbestigahan ang i-bulgar ni Mrs.Bautista labina sa gibulgar nga midawat ug kwarta si Comelec Chairman Bautista sa Smartmatic diin nabisto nga may usa ka valenzuelan Technician nga gi-hilabtan ang Transparency server na walay panugot sa Comelec si Roque nagsumite ug House Resolution no. 1171 aron ma imbestigahan ang ill-gotten wealth ni Bautista.
Samtang sa senado gi-duso ni Senador Tito Sotto ang resolution No.456 sa Blue Ribbon Committee nga imbestigahan ang aligasyon ni Mrs.Patricia Bautista kon may nasupak sa Code of Conduct and Ethical Standars for Public Officials and employees si Comelec Chairman Andres Bautista kon ibasi sa SALN nga gisumite niini sa year 2016 nga mikabat lamang sa 176.3 million,nagtuo si Sotto nga angayang dunggon sa kongreso ang akusasyon ni Bautista pinaagi sa usa ka impeachment . Gidapigan usab ni Senador Grace Poe ang resolusyon ni Sen. Sotto, matud pa ni Poe makaduda ang kadako sa kwarta nga naangkon ni Bautista gitataw sa Senadora nga dili isyo ang awayang mag-asawa kon dili ang isyo karon ang corruption ug kredibilidad sa election nga nabutangan ug pagduda nia ang mga pamahayag nila ni Senador Tito Sotto ug Senador Grace Poe.
Si City Councilor Rosalita Nuñez mipadayag nga kinahanglan gyud nga ipa-ilawum sa life style check ang tanang opisyal sa goberno, kadudahan man ang pagbaton ug dakong kwarta nga na angkon sa Comelec Chairman busa angayan lamang nga kini paga imbestigahan kon tinuod man ang akusasyon sa asawa ni Bautista angayan lang nga mapahawa kini sa pwesto nia ang reaction ni Councilor Nuñez sa report ni Kasamang Lore Romualdo.
Apan kon pasultihon si Atty.Emmanuel Fontanilla, kinahanglan nga mokanaug na si Comelec Chairman Andres Bautista kay nagtu-o kini nga tinuod ang gi-bulgar sa iyang asawa, pulos denial lamang ang pahayag sa Comelec Chairman taliwala nga 17-ka tuig silang nagka-uban isip magti-ayon busa segurado nga tinuod ug may basihan ang pahayag sa Misis niini. Dili na angayang magdugay si Bautista sa iyang posisyon kay basin mo grabi pa ang iyang atubangon nga kaso sala nalamang sa impeachment nga maoy makapa taktak sa iyang pwesto nia ang reaction ni Atty. Emmanuel Fontanilla sa report ni Kasamang Bryan Oñate.
Dapat lamang nga for delicadeza lang mo hawa na sa posisyon si Chairman Andres Bautista, dili matago ang ebidensiya nga giyagyag ni Mrs.Bautista tinuod gyud nga walay tinago nga dili mabulgar mahukasan ka gyud sa imong maskara. Si Andres Andy Bautista utokan, ambot kon tinuod ba nga bayot kini sumala sa iyang Misis pero simple logic si Bautista usa ka abogado, Harvard law School sa America nag- tuon,malisod nga yano nimong butang-butangan ang usa ka gamhanan ug utokan nga tawo. Apan gihimo kini sa iyang asawa gumikan kay may igong basihan ug kay suhito siya sa kalakaran sa iyang bana segurado siya nga may padulngan ang iyang gi-expose, kalisod sab pa fake ang bank record labina nga nakuptan sa iyang misis ang bank transaction ug bank passbook sa iyang bana, imagine 35-LDB passbook adunay 329.2 million, RCBC Foreign Currency Account adunay 12,778, RCBC peso account adunay 257,931 ug Hongkong Bank Account nga 948,358 HK dollars, naa siyay investment sa Foreign companies sama sa Bauman Enterprises usa ka British base company,Montova International Brunie Darussalam company unya kining tanan niyang assets nakuha niya sugod sa 2010 human na appoint siya ni Pnoy pagka Comelec Chairman, pila ra sweldo sa Comelec Chairman kumpara sa iyang milyones nga Dollar ug Peso account? Itum pas ata sa nokos! Busa dili ma wala ang pagduda sa tawo ug mga politiko nga kato daw , precinct count optical scan (PCOS) machines, dili daw to PCOS , hocus pocus kono to kay mamagic ang result labina nga palpak ang mga SD card ato gigamit sa 2013 elections, pero bisan anomaloso ang performance sa Smartmatic ,sila lang gihapon ang nakadaug sa isip supplier sa Automated counting machines sa 2016 National and local elections, sa interview usab kay Comelec Chairman Bautista i-yang gi- angkon nga nagdawat kini ug referral fee commission gikan sa Divina Law office suod nga higala ni Bautista kon diin ang tag-iya nga si Atty.Nilo Divina legal Council sa Smartmatic, dili ba gidili sa mga opisyal bisan gani mga empleyado nga mo dawat ug regalo gikan sa publiko? Tataw nakalapas si Comelec Chairman Bautista sa Republic Act 3019, The Anti-graft and Corrupt Practices Act, unsay unod ani nga balaud? When you’re a public Official You’re not supposed to be getting any gift,any consideration from anyone who has any interest in your Office. Kon ikaw official sa usa ka pampublikong buhatan dili ka modawat ug regalo o konsiderasyon gikan ni bisan kinsa nga adunay interes sa imong buhatan alang sa usa ka pabor. Tama lang kon ugaling tinuod man ang gibutyag sa imong asawa, pastilan na-unay ka sa imong tari, dapat lang mag uban si Andres ug anhing Chief Justice Renato Corona nga na impeach sa posisyon in 2012, tungod sa dili ma isplikar nga SALN, plus ikaw Andres, midawat pag regalo gikan sa Smartmatic nga supplier sa Automated Counting Machine may pabor-pabor ng daan, kadudahan sab nga basin nakadawat usab ka ug minilyon gikan sa Politiko aron mani-ubrahon ang dagdag bawas nga resulta sa election? Dili na imposibli nga mahitabo kay gadawat man diay ka ug komisyon? Itum kapa sa ata sa nokos!
Virus-free. www.avast.com
