Davao City – Dili gayud malikayan ang panag-ergo tali sa motorista ug mga traffic enforcers diha sa kadalanan tungod sa bayolasyon sa balaud-trapiko nga nahimo.
Sumala ni retired police officer Bonifacio Capricho Jr., Operations Chief sa City Transport and Traffic Management Office (CTTMO), kasagaran nga masuko ang mga drivers o motorista sa higayong sitahon sa mga traffic police tungod sa kalapasan nga nahimo hinungdang motubag usab ang police nga moresulta sa panaglantugi diha sa dalan kay ang uban madala sa ilang emosyon sa pagtoo nga tama sila.
Apan giklaro ni Capricho sa bahin sa enforcers dili man mobadlong kung walay nahimong kalapasan ang usa ka driver.
Gitataw usab sa CTTMO officer nga dinhi sa Davao, giwala na nila ang pagdawat og salapi gikan sa motorista nga makig-areglo.
Matud ni Capricho, malagmit ginahimo kini kaniadto apan karon wala na tungod sa tumong nga kausaban ilawom sa liderato ni Pres. Rodrigo Duterte.
RadyoMaN Bernard Pantallon
