Davao City – Patay ang usa ka driver sa single nga motorsiklo human kini
nabannga sa usa ka pick-up.
Nahitabo ang insidente bandang alas 10:16 sa kagabhion diha sa Davao
Bukinon Road partikular sa may Fausta Calinan District ning siyudad.
Ang driver sa motorsiklo naila nga si Kenneth Fuentes Ambrosio, 26 anyos
ulitawo ug ang angkas niini si Ronald Agoto nga gibana banaang nag edad og
30-35 anyos, nga pulos nagpuyo sa Ulah Village, Ulas ning siyudad samtang
ang driver sa pick up mao si Jerry Dormitorio, 39 anyos ug residente sa
Monteverde Calinan.
Sumala pa padulong Calinan ang motorsiklo samtang kasugat niini ang pick up.
Kalit kuno miliko sa wala ang pick-up ug wala na maka preno ang motorsiklo
resulta sa pagkabangga sa tuo nga bahin sa maong sakyanan.
Dead on the spot ang driver sa motorsiklo samtang ang angkas niini gidala
sa Southern Philippines Medical Center nga naka angkon ug pipila ka samad
ug pangos sa nag ka lain laing parte sa kalawasan.
Ang driver sa pick-up voluntaryo nga mitahan sa kapolisan sa Calinan ug gi
custodiya na ang pick up nga adunay plate number KDS 967 dinhi sa Calinan
PNP.
RadyoMaN Paul Canono
