Robo na subdivision

7

Ta continua el investigacion del Culianan Police Station aserca el mas reciente robo ya ocuri na casa del un engineer adentro del Villa Teres Subdivision na Mercedes.

Asegun con el pulis el robo ya sosede na casa di Engineer Wadja Malli, na lot 13, block 2, na mencionao subdivision.


El maga lardon ya lleva del CCTV monitor, tres anilio y par de aretes que ta alcansa valor de P300,000.

Asegun nohay ehnte el casa cuando ya hace entrada el maga lardon.

Ya tene pa que destrosa con el fuerta del cuarto del victima donde ya entra el maga lardon y ya saca con el maga valuables.

El maga pulis y el SOCO ya saca ya cuantos marca de mano na lugar para puede ayuda na investigacion del caso.

Facebook Comments