RTWPB 12 wala pa sang desisyon kon pila ang ipatuman nga wage adjustment para sa mga empleyado sa pribado nga kumpanya.

Liwat pa nga pungkuan sang Regional Tripartite Wages and Productivity Board ukon RTWPB 12 ang posible ipatuman nga wage adjustment sa mga empleyado sa pribado nga kumpanya matapos nga wala napinalisar kon pila ang isaka sa ginpatigayon nga pagsinapol sang Nobyembre 27 subong nga tuig.
Suno kay RTWPB 12 Secretary Jessie dela Cruz ini matapos nga ginkonsiderar sang board suno pa ang epekto ukon danyos nga natuga sa mga establishemento komersyal sang magkasunod nga mabaskog nga linog sa rehiyon dose.
Base sa datos pipila ka mga establishemento ang nagsarado kag indi na magamit ang building kag nagalab-ot naman sa masobra apat ka libo nga mga empleyado sini ang apektado sang nasambit nga kalamidad.
Samtang sa liwat nila nga pagsinapol subong nga bulan suno kay Dela Cruz posible makadesisyon na ang board kon pila ang ipatuman nga wage adjustment.