BACOLOD CITY – Padayon karon ang imbestigasyon nga ginapatigayon angut sa natabo nga pagbuno kag pagpatay sa isa ka bilanggo sa sulod mismo sang Metro Bacolod District Jail, Barangay Taculing diri sa ciudad sang Bacolod sini gid lamang nga kaagahon.
Ang amo nga inmate ginkilala kay Jesus Diane Cordova, 44 anyos ang edad kag pumuluyo sang Brgy. Vista Alegre sining ciudad.
Suno kay JO1 Jan Fernando Ubal nga ang biktima ang ginbuno sa iya dughan sa sulod mismo sang prisohan pasado la una sini nga kaagahon. Kon sin-o ang nagbuno, ina ang wala pa mahibaluan matapos nga nga nagkinaran karan ang tanan matapos ang insedente.
Dali-dali pa kuntani nga gindala sa Corazon Locsin Montelibano Memorial Regional Hospital ang biktima apang ini siya ang gindeklarar dead on arrival pasado las 2 kaina kaagahon./dyHB BACOLOD
