PAGASA- Mamahimong usa ka super typhoon ang bagyong Paolo (international name Lan) sulod sa 48 oras.
Kini sumala pa sa United States Joint Typhoon Warning Center ( JTWC).Sumapa sa Philippine state weather bureau PAGASA nga ang si Paolo ang nagpabilin sa iyahang kakusog og naglihukan sa norte northwest sa kakusgong 16kph.
Dugang pa nga ulaheng nakit-an ang bagyo 830 km sa silangan nga bahin sa Legaspi Albay. Adunay kakusog sa hangin nga mokabat sa 120 kilometers per hour og ang iyahang gustiness nga moabot sa 145 kph.
Bisan pa man nga dili mo-landfall ang maong bagyo sa mga kayutaan sa Pilipinas, magdala gihapon kini og mga pag-ulan sa silangan nga bahin sa Pilipinas, hangin og kakusog sa mga balud.
Ang Bicol Region, ang probinsya sa Mindoro, Marinduque, og ang Mindanao ang makasinati og mga pag-ulan tungod sa maong bagyo.
