Posible matud pa nga gibaharan ang sais anyos nga bata sa iyang ama-ama aron dili kini makasumbong sa paglugos kaniya.
Kini ang panaghap sa administrasyon sa tunghaan human nga ang bata didto misumbong sa iyang grade six nga ate ug wala mismo sa iyang inahan.
Nasayran nga ang grade six nga igsoon sa biktima ang gisulayan na usab og lugos sa iyang ama-ama, apan wala madayun tungod kay makasukol na.
Wala matud pa damha sa magulang, nga ang iyang igsoon nga grade one, ang gikunsumo sa iyang ama-ama.
Samtang, pagdisiplina lamang sa bata ang iyang gihimo tungod kay gamay pa kini nga anaa sa iyang poder.
Kini ang pahayag sa suspek nga maoy ama-ama sa sais anyos nga bata ug maoy gitudlong milugos sa biktima.
Dugang pa sa suspek, nga mag-unom na ka tuig nga nag-uban sila sa inahan sa bata, busa iya lamang kining disiplina.
Sa pakisusi sa kapulisan, nasayran nga kanhi nang napriso ang suspek tungod sa kasong rape apan nakagawas niadtong tuig 2010.
By: RadyoMaN Mishelle Enloran
