Detenado ang usa ka gituohang dummy sa pamilyang Parojinog, human nakuhaan sa mga ginadiling druga, armas ug granada.
Kini atol sa gipahigayong pag serve sa Martial Law Special Action Group kon MLSAG og search warrant ngadto sa panimalay sa usa ka Rico Bacon, nga taga Mother of Perpetual Help, Apovel Subdivision, Brgy. Bulua.
Nasayran nga na recover sa otoridad ang 1 ka beretta 9 mm nga adunay magazine ug adunay 13 ka live ammunition, 1 extra magazine sa maong armas ug usa ka m2k fragmentation grenade ug 9 ka sachet sa granules sa gituhoang ginadiling druga.
Matud ni Director Adrian Alvarino, ang Regional Director sa PDEA-X, nga si Rico Bacon, sakop sa grupong Kubaldra group o kuratong baleleng, usa ka organized crime syndicate.
Dugang pa nga gihimo nga dummy ni Parojinog dinhi sa Cagayan de Oro si Rico Bacon, apan dihang iyang nasayran nga namatay na si Parojinog atol sa operation sa kapulisan sa Ozamis City iya matud pa nga gibalhin sa iyang pangalan ang mga property ni Parojinog.
Si Bacon, ang lakip sa watch list sa ginsakpan sa PDEA, ug lakip na usab ang iyang brother in law, nga naila sa ngalan nga si Jun Toledo.
Gumikan niini, mag atubang sa kasong kalapasan sa ra 10591 ug ra 9165 ang maong dinakpan.
