BACOLOD CITY – Ginpulihan kastigo sang mga “tambay” ang isa ka soltero nga gina-alegar nagtuyo mag-rape sini gid lamang nga kaagahon sa Purok Kamonsil, Brgy. Bata, Bacolod City.
Ang suspek nga si Bernie Lachica, 26 anyos ang edad, soltero kag pumuluyo sang amo nga lugar.
Suno sa report, ginsulod sang suspek ang isa ka balay kag gintuyo nga himuslan ang nagakatulog nga duha ka mga kabataan, apang nakabatyag ang mga ini gani gilayon sila nga nagsinggitan kag nagpangayo sang bulig.
Nakabati naman ang mga pumuluyo sa palibot, gani dali-dali sila nga nagkadto sa balay sang mga kabataan kag didto ila naabtan ang suspek nga nagtuyo pa nga magpalagyo.
Wala na naka-palag pa ang suspek bangud ginpalibutan na ini sang mga tambay kag ginkastigo.
Nag-angkon sang bukol sa iya agtang si Bernie kag tubtub subong nagapalanakit pa ang iya kalawasan kag padayon ginabulong sa Corazon Locsin Montelibano Memorial Regional Hospital./dyHB BACOLOD
