General Santos City—Angol ang usa ka 6 anyos nga batang lalaki human nga nabanggaan sa usa ka motorsiklo didto atubangan sa New Mabuhay, Elementary School, kagahapong adlawa June 29, 2018.
Biktima giilang si Chris Albert Buenacosa, residenti sa purok 27, Barangay Mabuhay, Gensan.
Nasayran nga gikan sa eskwelahan ang biktima ug pauli na unta sa ilang panimalay dihang kalit lang kining nabangaan sa motorsiklo hinungdan sa pagkaangol niini.
Apan inay tabangan ang biktima misibat na nuon ang driver sa motorsiklong nakabangga sa nasangpit.
Paspas man nga gidala sa Dr. Jorge Royeva Hospital ang biktima aron mapailawom sa medikasyon. Luwas na hinuon sa kuyaw nga kahimtang ang biktima human naatiman sa balay tambalanan.
Facebook Comments
