Gin-aprobahan sang mga katapo sang Sangguniang Panlalawigan sa ginpatigayon nila nga special session kahapon nga adlaw ang duha ka mga urgent matters nga amo ang Appropriation Ordinance No. 01, Series of 2020, authorizing CY 2020 General Fund Supplemental Budget No. 1 sang probinsya sang South Cotabato nga nagakantidad sang P74,051,810.00 kag ang resolution nga nagarequest sang assistance sa Department of Health kag Philippine Red Cross para sa establishment sang Public Health Laboratory for COVID-19 and other purposes in SOCCSKSARGEN General Hospital (Upper Valley Community Hospital) nga nahamtang sa banwa sang Surallah.
Suno kay South Cotabato Vice Governor Vicenti de Jesus magakadto ang masobra P74 million supplemental budget no. 1 sa medical supplies ukon personal protective equipments, drugs and medicine, renta sa isolation room para sa mga frontliners kag iban pa nga gamiton sa pagpakig-away kontra COVID-19
Ginpahayag niya man nga nagpasar sila sang isa ka resolution nga nagaduso para pag-istablisar sang Public Health Laboratory for COVID-19 sa mismo government facility partikular na sa UPVH nga mangin regional hospital naman magluwas sa i-istablisar nga COVID laboratory testing center sa isa ka pribado nga ospital sa syudad.
