Maimplementar pa ang Special Program for Employment of Students sang provincial government sang South Cotabato para sa 650 ka mga beneficiaries subong nga summer kon sa bulan sang Agusto pa ang pagbukas sang klase.
Suno kay Public Employement Service Unit Officer Flora Cavan ipatuman sa gihapon nila ang duha ka batch nga deployment kon timprano pa nga mabawi ang Enhanced Community Quarantine tungod sa paadam sang COVID-19.
Ini matapos nga ginsuspindir sang Department of Labor and Employment ang deployment sang SPES beneficiaries’ subong nga bulan tungod sa ginapangatubang nga krisis tuga sang COVID-19.
Sa subong suno pa kay Cavan ang ginahimo nila amo ang pagpreparar sa documentary requirements sang mga beneficiaries paagi sa pag-impormar sa mga ini kon nakaparegister na agud nga kon i-implementar indi na mabudlay.
