Maayon, Capiz – Pilason ang 34-anyos nga mister matapos ini ang ginlabo sang mismo bayaw alas 2 sang hapon sa Brgy Batabat banwa sang Maayon.
Ginkilala ang biktima kay Randolf Dellomos y Dizon, nga nag-angkon sang pilas sa iya tudlo kag kamot matapos nga ginlabo sang bayaw nga suspek nga ginkilala kay Joebert Dordas, 27-anyos ang pang-edaron.
Suno sa Maayon PNP, magka-upod ang duha nga naga-inom sa panimalay sang suspek bangud bag-o lamang na-release ang ayuda balor sais mil pesos halin sa Social Amelioration Program sang DSWD sang nagluntad ang pagsabtanay sa tunga sang mga ini matapos nga nagpangunapin ang suspek nga si Jobert Dordas sang nag-inaway ang anak sini kag anak sang biktima.
Matapos ang mainit nga komprontasyon sang magbayaw, nagkuha ang suspek sang sanduko kag ginlabo ang biktima antes ini nga nagpalagyo.
Gindala sa Bailan District Hospital ang biktima agud nga madapatan sang nagakaigo nga pagbulong samtang ang suspek ang padayon nga atlarge.
