Aprobado na sang mga katapo sang Sangguniang Panlalawigan ang ordinansa nga nagahatag sang authority kay Governor Reynaldo Tamayo, Jr., nga liwat nga makigmemorandum of agreement sa Binhi-an ng Timog Kutabato (BINTIKU) Multi-purpose Cooperative para sa Palay Support Program sini subong nga tuig nga nagakantidad sang P15,000,000.00 agud nga gamiton sa pagpamakal sang palay sang mga mangnguma dire sa probinsya.
Depensa naman ni Provincial Agriculturist Justina Navarete sa mga katapo sang SP kon ngaa BINTIKU sa gihapon ang mamakal sang palay ini tungod ang nasambit lamang suno pa nga kooperatiba ang may kapasidad nga magpatuman sang nasambit nga program.
Samtang, handa lamang suno pa ang iban nga agricultural cooperative sa probinsya ang magsuporta sa BINTIKU paagi sa pagpagamit sang ila nga pasilidad kag iban pa base sa ginpatigayon nila nga pagsinapol.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
