i Balita
March 10, 2018
(Photo From Web)
Gin-ako ni Iloilo City Councilor Plaridel Nava nga nagbisita sa ila balay kag nagpakig-istorya ang tawo ni Mayor Jose Espinosa III.
Suno sa kagawad na-istoryahan ang sitwasyon sang politika, apang wala pa sila sang commitment nga maga-updanay sa pala-abuton nga eleksyon. Dugang pa sini nga luyag nila nga siguradohun nga matuod ang away sang mag-belas para mahibalu-an nila nga sinsiro ang tuyo ni Mayor Espinosa sa pagpakig-isa sa ila grupo.
Ginpahayag ni Nava nga bukas sila sa oposisyun sa posibilidad nga mag-upod sa grupo ni Espinosa sa eleksyon pero indi sa grupo ni Congressman Treñas.
Suportahan naman sini ang desisyun si Iloilo City Councilor Joshua Alim nga ginaduso niya nga magpadalagan sa pagka-alkalde sang syudad, apang yara na kay Alim ang pinal nga desisyun kon ano nga pwesto ang luyag sini padalaganan kag kon sino ang grupo nga iya updan pag-abot sang 2019 election.
Sa pihak sini ginklaro naman ni kagawad Nava nga magaretiro na siya sa politika kag indi na magpadalagan sa anuman nga posisyun apang magabulig ini sa kampanya sa iya grupo para ipa-intiendi sa mga botante ang pagpili sang maayo nga lider para sa syudad sang Iloilo.
