Sara: ‘Back to GCQ’ imposible

45

Davao City – Wala sumala pay plano nga muhangyo ang lokal nga gobyerno sa syudad sa Davao nga ibalik kini sa General Community Quarantine (GCQ).

Matud ni Davao City Mayor Sara Duterte-Carpio nga kinahanglan lamang nga i-manage sa dakbayan ang sitwasyon karon sa kaso sa Coronavirus Disease 2019 (COVID-19) samtang anaa na ilawom sa Modified General Community Quarantine (MGCQ) ang syudad.


“Wala tay plano nga mag appeal nga magbalik ta sa GCQ. What we will do is try to catch up or cope sa atong situation karon nga naka MGCQ ta then increasing atong cases,” tataw sa mayor.

Samtang gi-esplikar sa alkalde nga dili pa ma-ingon sa pagkakaron nga ‘model’ ang Davao City sa COVID-19 response niini.

Dili tanan apan mamahimong ma-apply usab sa ubang local government unit (LGU) ang ubang ‘practices’ sa dakbayan sa pagbatok sa COVID-19.

RadyoMaN Kirby Manzon

Facebook Comments