Davao City – Walay plano ang City Government of Davao nga tanggalon ang barrier sa motorsiklo nga ginapatuman batok Coronavirus Disease 2019 (COVID-19) sa syudad.
Matud ni Davao City Mayor Sara Duterte-Carpio nga padayon kining ipatuman sa isip proteksyon batok sa virus, luyo sa panawagan sa mga motorista partikular na sa naga motor nga kini tanggalon tungod sa kahasol nga dala niini.
“Wala po ‘tay plans nga tanggalon ang barrier para sa pillion riding sa motorcycle. It’s a non-pharmacological intervention sa pag control sa COVID-19,” segun sa Mayor.
Pagpasabot sa alkalde nga tumong sa motorcycle barrier nga malikayan ug maharang ang posibleng paglagpot sa laway sa driver ug pasahero sama sa ginapatumang barrier sa mga opisina isip proteksyon sa mga trabahante.
Una nang gisulti ni Duterte-Carpio nga importante ang pagbaton sa maong barrier bisan sa unsang klase sa quarantine status, mapa Enhanced Community Quarantine (ECQ), General Community Quarantine (GCQ) nga maoy status karon sa syudad ug bisan sa panahon nga ipailawom ang dakbayan sa Modified GCQ.
RadyoMaN Kirby Manzon
