Sarangani Province–Gikabutyag karon ni Sarangani Governor Steve Solon nga anaa sa pinakataas nga alert level ang Sarangani Province aron nga dili malutsan sa dautang elemento human ang nahitabong pagbusikad sa usa ka bomba sa Isulan, Sultan Kudarat niadtong milabay nga adlaw.
Sumala pa ni Gov. Solon nga lisud gayud bantayan ang pagsulod sa IED sa usa ka lugar bisan unsa pa ka hugot ang ginahimong pag bantay seguridad hinungdan nga dili niini mamahay ang LGU sa Isulan tungod kay nagtuo kini nga wala nag sila nagpabaya sa pagbantay sa ilang siguridad.
Dugang pa ni Solon nga aron nga malikayan gayud ang susamang mga panghitabo gikinahanglan ang pagtinabangay dili lang sa kapulisan ug kasundalohan, apan gikinahanglan usab ang tabang sa LGU mga barangay officials padulong sa purok ug ang mga tawo sa palibot aron nga masigurong magpabiling hapsay ug Malinawon ang usa ka lugar.(Dave Silagan)
