General Santos City—igo nalang intawon sa pagpatulo sa iyang luha ang ginang nga si Mary Ann Dalogdog, human nasayran niini nga patay na ang iyang bana nga si Private First Class Felmark Dalogdog miyembro sa Scout Ranger Battalion nga nakabasi sa Zamboanga, lumad nga taga Prk. Lanoy, Barangay Calumpang ug residenti sa Maasim.
Sumala ni Mary Ann nga Myekules sa buntag nag txt-txt pa sila sa iyang bana hangtud alas 10:00 sa buntag kalabutan sa plano nilang pagpaopera ni Mary Ann sa matres sa Davao City inig uli ni PFC Dalogdog sa Maasim.
Apan alas 10:00 pasado dihang wala na nakareply ang maong sundalo. Alas 11:00 sa buntag dihang nakadawat nalang si Marry Ann ug tawag gikan sa opisyal sa Scout Ranger kansa nag pahibalo kaniya nga patay na ang iyang bana gumikan sa nagpadayong engkwentro didto sa Marawi city.
Dugang pa ni mary Ann nga mura ug gitakluban ug langit ang iyang kalibutan human dawsa dili kini makatuo nga patay na iyang bana tungod bag-uhay lamang niya kini na naka-txt sa Cellphone.
Alad 9:00 sa buntag muabot ang patayng lawas ni PFC Dalogdog dinhi sa Gensan sakay sa CI30. Sugaton kini sa iyang pamilya ug mga miyembro sa Joint Task Force Gensan ug 27th Infantry Battalion.
Nasayran nga si PFC Dalogdog nahimong sundalo niadtong tuig 2013, sa ikatulong adlaw sa gyera sa Marawi City, usa kini sa tropa nga gipadala sa Scout Ranger sa maong lugar.
