SILAY CITY, NEGROS OCCIDENTAL – Patay ang isa ka lalaki, matapos nga na-aksidente sa syudad sang Silay. Ang biktima ang nakilala sa kay Ranrey Dusaran, 24 anyus, isa ka seaman kag residente sang Barangay Lantad syudad sang Silay.
Natabu ang insidente sadtung sabado sang gab-e sang gina-maneho ni Dusaran ang iya motorsiko sa diin pag-abot sa area sang sang Rizal Street Barangay Balaring, wala sini makit-an ang aberyado nga cargo truck.
Bangud sa impact, napuruhan ang biktima ang naka-angkon sang patay nga head injury nga amo naman ang rason sang iya kamatayon.
Suno sa hepe sang Silay PNP – Supt. Noel Polines nga manugbutang na kuntani sang early warning device ang driver sang truck sang natabu ang aksidente.
Samtang, gin-custody sang Silay PNP ang driver nga ginkilala sa kay Rodian Saludar, 24 anyus, residente sang banwa sang La Catellana.
Gina-hulat nalang sang kapulisan ang pamilya sang seaman kon magpasaka ini sila sang kaso batok sa driver sang cargo truck./dyHB BACOLOD
