Secretary sa SP-Mis.Or, nagtinapulan sa iyang trabaho matud ni Board Member Sabal

Nagtinapulan matud pa sa iyang trabaho ang sekretarya sa Sangguniang Panlalawigan sa Misamis Oriental nga si Atty. Ernesto Sotto.

Kini ang prangka nga pahayag ni Provincial Board Member Gerardo “Boboy” Sabal III.

Matud ni Sabal, imbis nga ang committee meeting niadtong bulan sa Pebrero, pagka-Agosto 20 pa nahimoan og report.

Sobra na matud pa ang kalangan ang pagtrabaho ni Atty Sotto imbis nga importante ang pagkuha sa record sa matag sesyon sa SP.

Nasayran nga naghimo nalang sa kaugalingong record ang mga myembro sa Sangguniang Panlalawigan tungod kay walay closure ang record ni Atty. Sotto.

Alayon niini, subling gisugyot ni Board member Sabal nga kinahanglang dunay saktong recording ug accountability ang sekretarya sa SP.