Davao City- Gisugdan na og katag sugod karong adlawa ang liboan ka mga personahe alang sa seguridad nga maoy magbantay sa usa ka semana nga Davao Regional Athletics Association nga opisyal ablihan karong adlaw’ng Domingo, Enero 27, 2019.
Kaabag sa kapulisan sa pagpatuman sa hugot nga seguridad sa DAVRAA 2019 ang mga sakop sa Task Force Davao, militar ubos sa 10th Infantry Division Philippine Army ug Force Multipliers.
Bisan tuod og walay direktang hulga sa terorismo ang dakbayan apan dili gihapon magkumpiyansa ang mga security personnel hilabi na nga liboan ka mga delegado gikan sa tibuok sa nasud ang musalmot sa DAVRAA 2019.
Alayon ani, nangayo og igong pagsabot si Director Tagum ngadto sa publiko hilabi na sa mga mahasol tungod sa istriktong seguridad sanglit prayoridad sa mga otoridad ang kaluwasan sa mga delegado ug sa mga manan-away sa DAVRAA 2019 nga himuon sa Sports Complex sa UP Campus Mintal.
Nasayran nga mao na kini ang ikaduhang higayon nga gipahigayon sa dakbayan ang DAVRAA ug preparasyon usab kini alang sa umaabot nga Palarong Pambansa nga himoon sab dinhi sa syudad karong tuiga.
RadyoMaN Joel Viray
