Samad sa nagkadaiyang bahin sa lawas ang naangkon sa usa ka security guard human gitigbas sa Barangay Tanod sa Barangay Canitoan ning syudad mga alas 5 sa hapon kagahapon, adlaw sa Pasko.
Ang biktima mao si Antonio Lopez, 53 anyos, minyo ug taga Block 12, House 29, Relocation Site, Calaanan, Barangay Canitoan.
Ang suspect nga si Danilo Yamit, 45 anyos, minyo ang nasikop mga alas 7 kagabie atol sa gihimong manhunt operation sa kapulisan sa Bulua.
Nakuha gikan sa suspek ang usa ka armas nga caliber 357.
Sa karon gipangita pa sa kapulisan ang tulo ka kauban sa suspek nga silang Jason Yamit, Garry Cabrera ug Jun Jun Cabrera.
Samtang nakatakdang pasakaan og kaso ang barangay tanod sa physical injuries ug pagsupak sa Republic Act 10591 kon illegal possession of firearm and ammunitions.
