General Santos City—All Set na ang pagpangandam sa Gensan City Police Office sa umaabot nga undas, kini ang gibutyuag ni Gensan City PNP Director Police Sr. Supt. Raul Supiter.
Sumala niini nga adunay igong ihap sa kapulisan nga ipangdeploy sa nagkandaiyang sementaryo sa dakbayan.
Mahimong sentro sa pagbantay sa seguridad ang duha ka mga dagkong sam-ang nga mao ang Forest lake ug ang Antonio C. Acharon Memorial Park kon ACAMP kansa maoy ginadaghan ug labihang tawo matag kalag-kalag.
Nasayran nga adunay nakainstall nga mga CCTV camera sa maong mga sam-ang aron masiguro ang seguridad sa katawhan.
Samtang nanawagan ni Col. Supiter sa katawhan sa Gensan nga likayan ang pagdala sa mga ginadili nga butang sama sa pack bag, mga hait nga hinganiban, baraha, ilimnong makahubog ug uban pa.
Gipahimangnuan usab ni Col. Supiter ang katawhan nga bantayan ang ilang mga gamit samtang sila anaa sa sam-ang tungod posibling pagkuyanap sa mga kawatan.
