Selos gilantaw nga motibo sa Tagum bus stabbing

403

Davao Citry – Nikasa og manhunt operation ang Tagum City Police batok sa ex-live-in partner nga nidunggab sa 25 anyos nga babae sulod sa gisakyan niining bus sa Tagum City Overland Transport Terminal pasado alas-10:00 sa buntag adlaw’ng Martes.

Giila ang suspek nga si Albert Alpeche nga maoy nidunggab gamit ang kutsilyo punterya sa dughan sa biktima.

Matud ni Tagum PNP WCPD head P/Sr. Insp. Anjanette Tirador nga selos ang gilantaw nga motibo sa insidente.

“Selos daw allegedly naay report na adunay 3rd party involved unya nagbulag naman ata ni sila sa katong suspek mura’g nilakaw daw ning victim gibilin ang ilahang anak sa kining suspek,” sumala ni Tirador.

Daling niikyas ang suspek human sa krimen samtang padayong ginaluwas sa mga doktor sulod sa Davao Regional Medical Center ang kinabuhi karon sa biktima.

Segun ni Tirador nga magatubang ang suspetsado og kasong Serious Physical Injury ug Frustrated Murder subay sa RA 9262.

RadyoMaN Aimee Guinita

Facebook Comments