Si Senator JV Ejercito Estrada, chairman sa senate committee on health maoy nahimong guest of honor sa 38th National Assembly sa Fraternal Order of Eagles nga gipahigayun dinhi sa dakbayan sa Butuan.
Ang national assembly gipanguluhan sa mga elders ug mga kadagkuan sa fraternal order of eagles sa pagpangulo ni Louie Ceniza ang National President.
Tinambungan usab kini sa nagkalain laing mga opisyal sa mga rehiyon sa gikan sa Luzon Visayas ug Mindanao.
Ang caraga region 2, sa pag pangulo ni Renren Duenas ang regional governor mao ang host sa kalihukan.
Bisita usab ang mga opisyales sa lalawigan sa Agusan del Norte ug siudad sa butuan.
Sa iyang pag bisita, mihimo usab sa pag bisita ang senador sa Agusan del Sur ug gikahimamat ang mga opisyales sa maong lalawigan.
Gibisita usab ni Estrada ang Butuan City Medical Center, ug misaad nga mutabang kini arun ma improve pa ang pasilidad kahimanan sa maong tambalanan lakip na ang serbisyo.
Misaad si Sen. JV Ejercito nga matabangan ang pagpalambo sa mga hospital dinhi sa dakbayan sa Butuan ug tibook rehiyon sa Caraga sa natad sa pasilidad ug serbisyo niini.
Sa interview sa RMN DXBC Butuan gibutyag ni Sen. Ejercito nga isip chairman sa Committee on Health sa Senado paningkamotan niyang matubag ang gipaabot nga hangyu sa mga local nga opisyal dinhi.
Nakita sa opisyal ang kakulangon sa bed capacity lakip ang mga medical equipment sa mga hospital dinhi ug misaad nga matagaan kini niya’g kasulbaran.
Si Sen. Ejercito maoy pinasidunggan bisita sa national assembly sa Order of Eagles nga dinhi gipahigayun sa dakbayan sa Butuan niadtong adlawg Sabado.
