General Santos City—- Dismayado si Senator Manny Pacquiao human masayran
nga adunay mga empleyado sa gobyerno ang lambigit sa sindikato partikular
na ang mukabat sa 8.7 billion ka pesos nga Road Right Of Way Scam sa
rehiyon 12.
Atol sa gipahigayong press conference kagahapong adlawa human ang gihimong
consultative hearing, gibutyag niini nga sa dakbayan sa GenSan lang mukabat
sa 2.8 bilyones ka pesos ang napagawas nga budget alang sa road right of
way. apan anaa sa kapin 4 bilyones ang ginapangayo.
Gikasubo niini nga mukabat s alibuan nga mga peke nga mga titulo ang
napagawas ug pinirmahan sa ni Judge Panambulan Membiesa kung asa lakip kini
s amga ipatawag sunod semana atol sa pagahimuong senate inquiry nga
tambungan sa pito ka mga senador.
Lakip usab sa mga ipatawag mao ang buhatan sa City Assessor, DPWH, BIR ug
uban pang ahensya nga lambigit sa maong anomaliya.
Dugang pa ni Senator Pacquiao nga kung mismong gobyerno ang lambigit sa
sindikato, kinsa nalang ang saligan sa katawhan human masayran nga
bilyon-bilyon nga kwarta ang nasulod lang sa bulsa sa pipila. (photo: Joana Grace Lapore)
