Nagtoo ang mga senador nga angayng hatagan sa Philippine Drug Enforcement Agency o PDEA ang Senado sa kopya sa pinakabag-ong narco list o listahan sa mga politiko nga nalambigit sa illegal nga droga.
Kini ang gibutyag ni Senador Koko Pimentel human gipahayag ni PDEA Director General Aaron Aquino nga sa 93 ka elected officials nga naa sa narco list lakip niini ang 67 ka mayor, 6 ka kongresista pipila ka vice mayor ug vice governor.
Matud ni Senador Pimentel, angayng ihatag sa PDEA ang listahan sa buhatan ni Senate President Tito Sotto.
Kini aron ilang masusi ug maka-background check sa mga ngalan sa mga politiko nga naa sa listahan.
Isip PDP Laban President, interesado si Senador Pimentel sa maong narco list aron masiguro nga wala silay mahimong kandidato sa 2019 elections nga nalambigit sa illegal nga droga.
Giuyonan usab ni Senate President Sotto ang sugyot ni Senador Pimentel nga hatagan sa PDEA sa kopya ang Senado sa maong narco list.
web photo
