Gipasalig ni Senador JV Ejercito nga motabang siya aron nga masulbad ang problema sa mga residente sa Misamis Oriental.
Kini atol sa programang Straight to the Point-Kuskos Batikos sa dxCC-RMN Cagayan de Oro uban ni RadyoMaN Zaldy Ocon.
Gipaabot ni RadyoMaN Zaldy ang kabaho sa iti ug kadaghan sa langaw sa Barangay Quezon, Gitagum, Misamis Oriental tungod sa binuhing mga manok sa lugar.
Una nang gibutyag ni Barangay Kagawad Saturnino Pitalyar nga ga mosketero nalang sila inig mangaon kay dili makaya ang kadaghan sa langaw sa ilang palibot.
Sa interview sa dxCC-RMN, gibutyag usab ni Senador Ejercito nga kinahanglan lamang nga mohatag og sulat sa iyang opisina aron daling maka-aksyon ang mga hinungdang ahensya sa gobyerno sama sa Department of Health ug Department of Interior and Local Government.
