General Santos City–Nasikop sa hiniusang puwersa sa GSCPO sa pagpanguna ni Plt.Col.Lorenzo Henares III ug Police Station 4 ang usa ka Ludivico Selim,66 anyos, minyo nga nanimuyo sa Purok 5, Intake, Brgy.Mabuhay human gipakanaugan ug search warrant no. 20-02 alas 6:00 ang takna sa buntag sa panimalay mismo sa suspek.
Nasayran nga ang maong warrant gi-isyu ni Hon. Judge Oscar Noel Jr. sa RTC Branch 35-Gensan, niadtong ENERO 16,2020 sa kalapasan RA 10591 kon Illegal Possession Of Fire Arms And Ammunition.
Atol sa operasyon sa otoridad nakuhaan ang suspek sa iyang posisyon ug usa ka unit sa kalibre .45 nga pistola dunay serial no.m08124284; 2 ka steel magazines; 12 ka mga buhing bala sa kalibre .45 nga pistol; ug usa ka brown leather holster.
Tungod kay walay maipakitang mga igong dokumento ang suspek dihang gipangitaan kini sa otoridad sa mga nakuha kaniya hinungdan nga kini gisikop gumikan kay gibawal kini sa balaod.
Sa kasamtangan gihikay na sa kapulisan ang kasong atubangon sa dinakpan sa kalapasan sa RA 10591.(Reynald Timario)
